ജില്ല തല അറബിക് കലോത്സവം നവംബര്‍ 5ന്
കാസര്‍ഗോഡ്‌
: ചെമ്മനാട് ജമാഅത്ത് ഇംഗ്ലീഷ് മീഡിയം സ്കൂള്‍ സംഘടിപ്പിക്കുന്ന അറബിക് കലോത്സവം
(അറബ് ഫെസ്റ്റ് 2016) നവംബര്‍ 5 ശനിയാഴ്ച്ച ചെമ്മനാട് ജമാഅത്ത് ഹയര്‍
സെക്കണ്ടറി സ്കൂള്‍ ഓഡിറ്റോറിയത്തില്‍ നടക്കും. ഖുറാന്‍ പാരായണം, അറബിക് പദ്യം ചൊല്ലല്‍, ക്വിസ് എന്നി ഇനങ്ങളിലാണ് മത്സരം സംഘടിപ്പിക്കുന്നത്. എഴാം ക്ലാസ്
വരെയുള്ള കുട്ടികള്‍ക്കായി നടത്തുന്ന ഈ മത്സരത്തിലെ വിജയികള്‍ക്ക് കാഷ് അവാര്‍ഡും മറ്റു
ഉപഹാരങ്ങളും നല്‍കും . ഒരു വിദ്യാര്‍ത്ഥിക്ക് ഒരു ഇനത്തില്‍ മാത്രമേ മത്സരിക്കാന്‍
അവസരമുള്ളൂ. . മത്സരിക്കാന്‍ ആഗ്രഹിക്കുന്ന വിദ്യാര്‍ഥികള്‍ പഠിക്കുന്ന സ്ഥാപനത്തിന്‍റെ ഹെഡ് മാസ്റ്റര്‍ /
പ്രിന്‍സിപ്പലിന്‍റെ സമ്മതിപത്രത്തോട് കൂടി ഒക്ടോബര്‍ 31നു
മുമ്പായി പേര്‍ രജിസ്റ്റര്‍ ചെയ്യേണ്ടതാണ്. സംഘാടക
സമിതി രൂപീകരണ യോഗം ജമാഅത്ത് കമ്മിറ്റി പ്രസിഡണ്ട്‌
സി.ടി അഹമ്മദലി ഉദ്ഘാടനം ചെയ്തു. സ്കൂള്‍ മാനേജര്‍ സി.എല്‍ ഹമീദ് അധ്യക്ഷത
വഹിച്ചു. ആഘോഷ കമ്മിറ്റിയുടെ ചെയര്‍മാനായി സി.എല്‍ ഹമീദിനെയും ജനറല്‍ കണ്‍വീനറായി
ഹെഡ്മാസ്റ്റര്‍ സി.പത്മനാഭനെയും ട്രഷററായി നൗഷാദ് ആലിച്ചേരിയെയും തിരഞ്ഞെടുത്തു.
ജമാഅത്ത്പ്രസിഡണ്ട്‌ സി.ടി. അഹമ്മദലി
മുഖ്യ രക്ഷാധികാരിയും സി.എച്ച് അബ്ദുല്‍ ലത്തീഫ്, യു.എം
അഹമ്മദലി, അഷ്‌റഫ്‌ കൈന്താര്‍ എന്നിവര്‍ രക്ഷാധികാരികളുമാണ്.
.
No comments:
Post a Comment