ചെമ്മനാട് ഇംഗ്ലീഷ് മീഡിയം സ്കൂള്‍ സംഘടിപ്പിച്ച അറബിക് ഫെസ്റ്റ് 2016 ജില്ലാ തല അറബിക് സാഹിത്യ മത്സരങ്ങള്‍ ചെമ്മനാട് ജമാ അത്ത് പ്രസിഡണ്ട്‌ സി ടി അഹമ്മദ്‌ അലി ഉദ്ഘാടനം ചെയ്തു. ജില്ലയിലെ വിവിധ സ്കൂളുകളില്‍ നിന്നായി എത്തിയ നൂറോളം യു.പി വിഭാഗം വിദ്യാര്‍ത്ഥികളാണ് മത്സരത്തില്‍ പങ്കെടുത്തത്.. സ്കൂള്‍ മാനേജര്‍ സി.എല്‍ ഹമീദ് അധ്യക്ഷത വഹിച്ചു. കാസറഗോഡ് ജില്ലാ പഞ്ചായത്ത്‌ മെമ്പര്‍ ഷാനവാസ്‌ പാദൂര്‍, ചെമ്മനാട് പഞ്ചായത്ത്‌ വിദ്യാഭ്യാസ സ്റാണ്ടിംഗ് കമ്മിറ്റി ചെയര്‍ പെര്‍സണ്‍ ഷാസിയ സി.എം, ജമാഅത്ത് ഹയര്‍സെക്കന്‍ഡറി പി.ടി.എ പ്രസിഡണ്ട്‌ എ.ബി മുനീര്‍, പ്രോഗ്രാം കമ്മിറ്റി ചെയര്‍മാന്‍ കെ.ടി നിയാസ് എന്നിവര്‍ ആശംസകള്‍ നേര്‍ന്നു. ഹെഡ്മാസ്റര്‍ പത്മനാഭന്‍ സി. സ്വാഗതവും പ്രോഗ്രാം കണ്‍വീനര്‍ അബ്ദുല്‍ ഖാദര്‍ ഫൈസി നന്ദിയും പറഞ്ഞു.
വൈകുന്നേരം നടന്ന സമാപന ചടങ്ങില്‍ ചെമ്മനാട് പഞ്ചായത്ത്‌പ്രസിഡണ്ട്‌ കല്ലട്ര അബ്ദുല്‍ ഖാദര്‍ സമ്മാന വിതരണം ചെയ്തു. പി.ടി.എ പ്രസിഡണ്ട്‌ അഷറഫ് കൈന്താര്‍ അധ്യക്ഷത വഹിച്ചു. ബ്ലോക്ക് പഞ്ചായത്ത്‌ മെമ്പര്‍ താഹിറ താജുദ്ദീന്‍, ചെമ്മനാട് ഗ്രാമ പഞ്ചായത്ത്‌ മെമ്പര്‍ സജിത രാമകൃഷ്ണന്‍, യു.എം അഹമ്മദലി, ഹൈ സ്കൂള്‍ കണ്‍വീനര്‍ പി.എം അബ്ദുള്ള, പഞ്ചായത്ത്‌ മെമ്പര്‍ ഷംസുദ്ദീന്‍,എന്നിവര്‍ ആശംസകള്‍ നേര്‍ന്നു. സ്കൂള്‍ കണ്‍വീനര്‍ നൌഷാദ് ആലിച്ചേരി സ്വാഗതവും സ്റാഫ് സെക്രട്ടറി പി.എച്ച് അസ്മ ടീച്ചര്‍ നന്ദിയും പറഞ്ഞു.
ഖുറാന്‍ പാരായണത്തില്‍ ഫാത്തിമ കെ.എന്‍ ഒന്നാം സ്ഥാനവും മുഹമ്മദ്‌ അല്‍ത്താഫ് രണ്ടാം സ്ഥാനവും അബ്ദുല്‍ സലാം കെ.എ മൂന്നാം സ്ഥാനവും ക്വിസ് മത്സരത്തില്‍ ബദറുദ്ദീന്‍ ഒന്നാം സ്ഥാനവും ഹുസൈന്‍ രണ്ടാം സ്ഥാനവും നാസിറ ഫാത്തിമ മൂന്നാം സ്ഥാനവും അറബി പദ്യ പാരായണത്തില്‍ ഫാത്തിമ സുല്‍ഫ ഒന്നാം സ്ഥാനവും ശഹാമ വൈ.എസ് രണ്ടാം സ്ഥാനവും, ഹന്ന എ.എ മൂന്നാം സ്ഥാനവും നേടി.
